Jessica John
Ers erioed rwyf wedi bod yn berson chwilfrydig ac ym mhen amser datblygodd hyn yn obsesiwn gyda Threftadaeth Ddiwylliannol, yn arbennig treftadaeth ddiwylliannol Gogledd Cymru. Yn ffodus i mi, rhoddodd fy ngyrfa dros y degawd diwethaf le i mi drochi yn fy obsesiwn a rŵan rwy’n barod i rannu fy arbenigedd gyda phrosiectau, bach a mawr, sydd am adrodd straeon unigryw o bwy ydym ni ag o le y deuwn ni.
Fel siaradwr Cymraeg, rwy'n byw a gweithio yn fy iaith frodorol. Mae hyn yn fraint, ac yn fantais gan fod y rhan fwyaf o'n ffynonellau hanesyddol yn y Gymraeg, ac mae gan yr ardal yma o Gymru niferoedd uchel o siaradwyr Cymraeg.
Fy nghynfas
Eryri
Mae gan Eryri dros 800² milltir o dirwedd hanesyddol gyfoethog. Gellir darllen y tirwedd fel palimpsest o filoedd o flynyddoedd o feddiannaeth ddynol. Gadawodd bob cenhedlaeth eu marc, yn fwriadol neu’n anfwriadol, trwy dreftadaeth ddiriaethol neu anniriaethol. Mae dynoliaeth wedi gadael eu straeon i ni, mewn rhyw ffordd neu’i gilydd, a’m swydd i yw gwrando a rhannu’r straeon yna. A pwy a ŵyr, heb os cawn ddysgu ambell beth?
Beth y gallaf gynnig?
Tirweddau Treftadaeth Ddiwylliannol
Arddangosfeydd a Chasgliadau.
- Prosiectau ymchwil cymunedol ar dreftadaeth ddiriaethol ac anniriaethol.
- Dehongli yn y tirwedd gan ddefnyddio dehongli traddodiadol a dehongli digidol fel codau QR neu deithiau rhithiol (VR).
- Dod a haneswyr, artistiaid, archeolegwyr, gwneuthurwyr ffilm a’r gymuned ynghyd i adrodd stori yn ei chyfanrwydd
- Cyfoethogi’r Cofnod Amgylchedd Hanesyddol i genedlaethau’r dyfodol.
- Archifo cynnwys traddodiadol a digidol yn gyfrifol.
- Gwerthuso a rhesymoli casgliadau.
- Dylunio arddangosfeydd a chynnwys gyda ac ar gyfer eich cynulleidfa.
- Arddull aml gyfryngau (Multimedia) wrth greu arddangosfeydd
- Cynnwys dwyieithog.
- Effaith dehongli byw - gallaf gynnig hyfforddiant blaen tŷ i dywyswyr amgueddfeydd a safleoedd treftadaeth.
Enghreifftiau o’M gwaith
Ymchwil Cymunedol
Gwlân, Gweu a Gwe; Hanes y diwydiant gwlân yn Nolgellau.
Gweithdai addysg, arolygon archeolegol, mapio dwfn a mwy....
2022 - cyfredol
Ffermydd coll
Prosiect mapio, ymchwil a dehongli murddunnod ar draws tirwedd Ardudwy.
Ymgysylltu cymunedol, gweithdai gwirfoddoli, gweithdai addysg.
2020 - 2024
Enwau lleoedd
Partneriaeth Tirwedd y Carneddau
Prosiect Lleisiau’r Carneddau; enwau lleoedd a hanes llafar.
Cofnodi a dathlu enwau lleoedd Cymraeg.
2020-2024
Enghraifft o waith Amgueddfa a Safle Treftadaeth
Yr Ysgwrn, Cartref y bardd Hedd Wyn
Datblygu safle o bwys cenedlaethol i fod yn amgueddfa achrededig a safle treftadaeth. Daeth 11 gwobr treftadaeth o ganlyniad i’r gwaith datblygu gan gynnwys trip i Baris am Europa Nostra.
Gwaith yr amgueddfa; asesu, gwerthuso, catalogio, archifo, achrediad, gofal a chadwraeth casgliadau, marchnata, ymgysylltu cymunedol, rheoli prosiectau, hyfforddiant croeso cynnes a thywysydd (gallaf hefyd weithio peiriant coffi barista – cappuccino?)
2015 - 2020
Cysylltwch
Os ydych wrthi yn datblygu prosiect ac angen help llaw creu campwaith treftadaeth gyda’r gymuned yn ganolog i’r prosiect, neu os ydych yng nghanol prosiect ac angen arweiniad i gau pen tennyn - cysylltwch.
Neu os hoffech chi sgwrs am fentro prosiect ymchwil neu os hoffech barablu trwy brosiect hanes llafar, cysylltwch am sgwrs.
Ffôn
07787522659
Ebost
jessicajohn@tylwyth.cymru